Hjördís Baldursdóttir sæmd silfurmerki ÍSÍ

Hjördís Baldursdóttir sæmd silfurmerki ÍSÍ

Hjördís Baldursdóttir, íþróttastjóri Keflavíkur, íþrótta- og ungmennafélags, var sæmd silfurmerki Íþrótta- og Ólympíusambands Íslands (ÍSÍ) á 30 ára afmælishátíð Íþróttabandalags Reykjanesbæjar (ÍRB).

Hjördís hefur um árabil verið öflugur þátttakandi í íþróttahreyfingunni í Reykjanesbæ og lagt mikið af mörkum til uppbyggingar og eflingar íþróttastarfs á svæðinu.

Auk þess að gegna starfi íþróttastjóra Keflavíkur er Hjördís gjaldkeri ÍRB.  Hún sat í tíu ár eða frá 2006-2016 í stjórn knattspyrnudeildar Keflavíkur. Hún hefur því komið víða við og sinnt mikilvægum verkefnum, bæði innan félagsins og á vettvangi íþróttahreyfingarinnar í Reykjanesbæ.

Silfurmerki ÍSÍ er verðskulduð viðurkenning fyrir störf hennar og framlag til íþróttahreyfingarinnar.

Keflavík, íþrótta- og ungmennafélag, óskar Hjördísi innilega til hamingju með þessa glæsilegu viðurkenningu og þakkar henni fyrir ómetanlegt starf í þágu félagsins og íþróttahreyfingarinnar.

Áfram Keflavík! 💙