Vertu Félagsmaður
Keflavíkur
Ungir sem aldnir, iðkendur, foreldrar, gamlar kempur og stuðningsfólkið í stúkunni. Skráðu þig, hafðu áhrif á framtíð félagsins og hjálpaðu okkur að byggja upp enn betri aðstöðu fyrir íþróttafólkið okkar.
Markmiðið: 1.000 fyrir áramót
Við trúum því að sannir Keflvíkingar séu miklu fleiri en þúsund. Nú er tækifærið til að sýna það. Ert þú einn af þeim?
Af hverju að gerast félagsmaður?
Félagsaðild er meira en nafn á lista. Hún er leið til að styðja starfið, hafa rödd og vera hluti af Keflavíkurfjölskyldunni.
Atkvæðaréttur
Aðeins félagsmenn hafa atkvæðarétt á aðalfundum félagsins.
Kjörgengi
Félagsmenn geta boðið sig fram til stjórnarsetu og haft bein áhrif á stefnu félagsins.
Betri aðstaða
Tekjurnar renna til Aðalstjórnar sem nýtir þær til að efla aðstöðu íþróttafólks og félagsins í heild.
Hluti af heildinni
Þú sýnir í verki að þú stendur með Keflavík, innan vallar sem utan.
Hvernig virkar þetta?
Þrjú einföld skref og þú ert orðin/n félagsmaður.
Opnaðu Abler
Skráðu þig inn í Abler, appið eða vefinn. Ef þú ert ekki með aðgang tekur örstutta stund að stofna hann.
Veldu félagsaðild
Finndu Keflavík og veldu „Félagsmaður Keflavíkur“.
Greiddu árgjaldið
Árgjaldið er 4.000 kr. og þar með ertu formlega Félagsmaður Keflavíkur. Velkomin/n!
Skráðu þig hér
Skráning fer fram í gegnum Abler og er opin öllum, ungum sem öldnum.
Í gegnum Abler
Ef þú ert nú þegar með aðgang í Abler, til dæmis vegna æfingagjalda, ertu aðeins nokkra smelli frá því að verða Félagsmaður Keflavíkur.
Skrá mig í Abler →Spurt og svarað
Af hverju er þetta að gerast núna?
Á Íþróttaþingi 2025 samþykkti ÍSÍ breytingar á lögum sínum. Nú er íþróttafélögum meðal annars skylt að halda bæði iðkenda- og félagaskrá. Félagsmaður Keflavíkur er svar okkar við þessum breytingum.
Hver getur orðið félagsmaður?
Allir sem þess óska, ungir sem aldnir.
Hvert fara peningarnir?
Tekjurnar renna til Aðalstjórnar og eru haldnar aðskildar. Þær eru ekki ætlaðar til að safnast upp heldur til að nýtast til góðra verka innan félagsins, til dæmis til að efla aðstöðu íþróttafólksins okkar.
Ég sit í stjórn, þarf ég að skrá mig?
Nei, þeir sem kosnir eru til stjórnarstarfa verða sjálfkrafa skráðir sem félagsmenn.
Hver heldur utan um félagaskrána?
Aðalstjórn setur reglur um félagaskrá, ákveður innheimtu félagsgjalda og heldur utan um félagaskrá Keflavíkur, íþrótta- og ungmennafélags.