Upplýsingar um skráningar- Sportabler tekur við skráningum í öllum deildum
Nú eru skráningar að hefjast fyrir veturinn í deildum hjá okkur. Deildir munu svo auglýsa sérstaklega þegar skráningar hefjast í hverri deild. Við höfum tekið í gagn nýtt skráningarforrit í Keflavík sem heitir Sportabler og munu skráningar og samskipti fara í gegnum það. Foreldrar þurfa að sækja sér Sportabler appið. Ef það koma upp vandræði með skráningu, þá er mikilvægt að hafa samband við þjónustuver Sportabler í gegnum netspjallið eða í gegnum sportabler@sportabler.com
Hér eru upplýsingar varðandi nýskráningu og hvernig á að kaupa námskeið í Sportabler:
Hvatagreiðslur
Við viljum sérstaklega minna foreldra og forráðamenn að nýta sér hvatagreiðslur Reykjanesbæjar þegar gengið er frá æfingagjöldum. Það þarf að gerast í kaupferlinu og þá er mikilvægt að hakað sé við JÁ í skrefi 2, sjá mynd og auðkenna sig með rafrænum hætti.
- Hvatagreiðslur Reykjanesbæjar eru rafrænar frá og með áramótum 2021 og hafa forráðamenn sem skrá iðkendur á þessu ári val um að haka við í skráningarferlinu um að nota hvatagreiðsluna til lækkunar æfingargjaldinu. Það er á ábyrgð forráðamanna að nýta sér hvatagreiðslurnar og athugið að greiðslurnar eiga eingöngu við þá sem eru með lögheimili í Reykjanesbæ.
- Nánari upplýsingar má finna á heimasíðu Reykjanesbæjar Hvatagreiðslur/Incentive payments | Upplýsingavefur sveitarfélagsins Reykjanesbæjar (reykjanesbaer.is)
- Hvatagreiðsla fyrir árið 2021 er 40.000 kr. og er hún alltaf tengd skráningum hverju sinni.
