Sigurður Steindórsson var sæmdur Gull-heiðursmerki Keflavíkur

Sigurður Steindórsson var sæmdur Gull-heiðursmerki  Keflavíkur  á aðalfundi Keflavíkur íþrótta- og ungmennafélags sem haldinn var 28. febrúar síðast liðinn.

Sigurður Steindórsson þarf vart að kynna fyrir bæjarbúum. Hann var formaður   Knattspyrnufélags Keflavíkur KFK, var vallarstjóri á íþróttavellinum í Keflavík, auk þess sem hann þjálfaði bæði handbolta, knattspyrnu menn og konur . Það má með sanni segja að hann hafi verið einn af merkari íþróttafrömuðum í Keflavík. Sigurður studdi vel við yngri iðkendur okkar og var ávallt þeim innan handar. Hann var einnig mikið í kringum meistaraflokk ÍBK  og gekk þar í öll störf, meðal annars að nudda leikmenn,  stundum svo hressilega að menn æptu undan honum. Það var mikil fengur í því fyrir íþróttalífið hér í Keflavík að hafa haft svona mann eins og Sigurð innanborðs.

Færum Sigurði og hans fjölskyldu innilegar hamingjuóskir með þessa heiðrun.

Aðalstjórn Keflavíkur

Kári Gunnlaugsson, Sigurður Steindórsson og Einar Haraldsson