Sundmenn ÍRB gerðu það gott í Danmörku
Sundfólkið úr ÍRB var að standa sig afar vel á Lyngby Open sundmótinu um síðstu helgi. Hópurinn vann til átján verðlauna og var Þröstur Bjarnason sprettharðasti sundmaður mótsins. Hann bar sigur úr býtum í útsláttarkeppni í 50m skriðsundi og vann til sérstakra verðlauna. Útsláttarkeppnin fer þannig fram að fyrst er keppt í undanrásum, síðan keppa tólf, síðan fækkar í sex, því næst í fjóra og loks keppa tveir bestu til úrslita.
Þeir sundmenn sem unnu til verðlauna á mótinu voru:
Eydís Ósk Kolbeinsdóttir: Silfur í 400m skriðsundi, silfur í 400m fjórsundi, brons í 200m fjórsundi.
Sunneva Dögg Robertson: Silfur í 400m skriðsundi,silfur í 200m skriðsundi, brons í 100m flugsundi og gull í 200m flugsundi,
Þröstur Bjarnason: Silfur í 200m skriðsundi, gull í 100m skriðsundi og gull í 50m skriðsundi.
Björgvin Theódór Hilmarsson,: Brons í 100m baksundi og gull í 200m baksundi.
Gunnhildur Björg Baldursdóttir: Silfur í 200m flugsundi.
Sylwia Sienkiewicz: Silfur í 200m flugsundi.
Baldvin Sigmarsson: Silfur í 200m flugsundi og brons í 100m bringusundi.
Íris Ósk Hilmarsdóttir: Silfur í 200m baksundi.
Karen Mist Arngeirsdóttir: Brons í 50m bringusundi.
