Knattspyrna

ÆFINGAGJÖLD OG SKRÁNING

 

Skráning iðkenda
Allir iðkendur í Knattspyrnudeild Keflavíkur þurfa að vera skráðir og miðast tímabilið við lok september og út ágúst næsta ár.
Forráðamenn skrá sín börn inn í Nóra skráningakerfið og þarf að endurnýja skráningu árlega.
Skráningar fara áfram fram í gegnum Nóra skráningarkerfið sem hægt er að nálgast á heimasíðu Keflavíkur eða á slóðinni https://keflavik.felog.is/.

Æfingagjöld september 2019 til og með ágúst 2020
3.-6. flokkur - kr. 91.000
7. flokkur - kr. 58.000
8. flokkur - nánari upplýsingar fást með því að senda póst á netfangið fotbolti_keflavik8fl@simnet.is
Systkinaafsláttur 12,5%.
Gjaldið er fast óháð æfingasókn iðkenda.
ATH! Æfingagjöld hækka um 10% ef skráð er eftir 31.október

Greiðslur
Kreditkort - hægt að skipta greiðslum niður á 1 - 11 greiðslur (engin færslugjöld)
Greiðsluseðill (skipt niður á 10 greiðslur, nema í 7. flokki þar sem hámarkið er 9 greiðslur) í byrjun hvers tímabils. Athugið að greiðsluseðlar eru sendir í gegnum Motus og leggst seðilgjald á hvern reikning auk þess sem vextir reiknast á greiðsluseðla séu þeir greiddir eftir gjalddaga.
Þeim foreldrum/forráðamönnum sem vilja greiða beint með millifærslu er bent á að hafa samband við Elísabetu sem sér um innheimtu æfingagjalda fyrir barna- og unglingaráð með tölvupósti í kefgjold@gmail.com.
Skráningum skal lokið eigi síðar en 31.október hvert ár, frá þeim tíma hækkar gjaldið um 10%.

Hvatagreiðslur
Listar yfir þá iðkendur sem greitt hafa því sem nemur upphæð hvatagreiðslu á árinu eru sendir á Reykjanesbæ mánaðarlega.
Forráðamenn geta sótt um hvatagreiðslur á mittreykjanes.is þegar æfingagjöld hafa verið greidd að lágmarki 28.000 kr.

Ferðakostnaður og mótakostnaður
Er greiddur af iðkendum, kostnaðurinn er misjafn eftir því í hvaða flokki iðkandi er og hver verkefnin eru. Barna- og unglingaráð greiðir ferðakostnað þjálfara í keppnisferðum vegna Íslands- og Faxaflóamóts ekki öðrum mótum.

Keppnisbúningur
Barna- og unglingaráð leggur iðkendum til keppnisbúning (treyju og stuttbuxur) þar sem búningataska fylgir í 3. til 8. flokki en iðkendur þurfa sjálfir að verða sér út um sokka.  
Keflavík spilar í dökkbláum Nike fótboltasokkum og RKV (3.-5.fl. stúlkna) í hvítum. Mælst er til þess að iðkendur eigi sokka ef mögulegt er, en þá er hægt að kaupa hjá barna- og unglingaráði.

Iðkandi hættir
Ef iðkandi hættir æfingum fellur greiðsla niður frá næstu mánaðamótum eftir að forráðamaður hefur tilkynnt að iðkandi sé hættur og æfingagjöld ekki endurgreidd afturvirkt.. Senda skal slíkar tilkynningur á kefgjold@gmail.com þar sem fram kemur nafn og kennitala iðkandans.

Um innheimtu æfingagjalda sér Elísabet L. Björnsdóttir, upplýsingar í  netfanginu kefgjold@gmail.com.