Keflavík - Haukar á sunnudaginn kl. 16:00

Keflavíkurstúlkur taka á móti Haukum á Íslandsmótinu sunnudaginn 10. júlí. Leikurinn fer fram á Nettóvellinum og hefst kl. 16:00.
Haukar eru í 3. sæti í riðlinum með 12 stig eftir 6 leiki en Keflavík er í 4. sæti með 9 stig að loknum 5 leikjum. Liðin mættust tvisvar á undirbúningstímabilinu. Keflavík sigraði 4 - 0 í Faxaflóamótinu, leikið var í Reykjaneshöll. Haukar snéru blaðinu við þegar liðin áttust við í úrslitaleik Lengjubikarsins og sigruðu 2 - 0 á Ásvöllum. Það má því búast við hörkuleik á Nettóvellinum og fólk hvatt til að mæta og hvetja stúlkurnar til sigurs.