Keflavík - Álftanes á fimmtudaginn kl. 20:00

Keflavíkurstelpur taka á móti Álftanesi í fyrsta leik seinni umferðar  Íslandsmótsins á fimmtudaginn. Liðin hafa mæst tvisvar sinnum í sumar, í fyrsta leik Íslandsmótsins hafði Keflavík betur 1 - 2. Liðin mættust svo aftur í bikarkeppninni nokkrum dögum síðar og þá sigraði Keflavík eftirminnilega 1 - 6, þar sem Sveindís Jane gerði 4 mörk á 16 mín.

Keflavík er með 9 stig í deildinni og Álftanes er með 7 stig og má því búast við hörkuleik á Nettóvellinum. Leikurinn hefst kl. 20:00 og er fólk hvatt til að mæta á völlinn.