Keflavík-Snæfell í Dominosdeild karla

Keflvíkingar fá Snæfell í heimsókn næstkomandi fimmtudag. Leikurinn hefst kl 19:15 og að vanda verða grillaðir hamborgarar fyrir leik. 

Keflvíkingar sitja sem fyrr á toppi deildarinnar með 24 stig en Snæfell er í harðri baráttu um sæti í úrslitakeppninni. 

Nýlega voru gerðar breytingar á liði Keflavíkur þar sem skipt var um erlendan leikmann. Leikmaðurinn Jerome Hill gekk til félagsins og leysti þarf af Earl Brown Jr. sem er nú farinn frá félaginu. Við viljum þakka Earl Brown Jr. fyrir sitt framlag til félagsins og óskum honum velfarnaðar um ókomna tíð. 

Fyrir þá stuðningsmenn Keflavíkur sem vilja virða fyrir sér nýjan leikmann liðsins er eitt í stöðunni og það er að mæta í TM höllina á fimmtudagskvöldið. 

Fjölmennum í TM höllina og styðjum okkar til sigurs
Áfram Keflavík!