Aðalstjórn

Aðalstjórn | 12.07.2017
ALLIR KEFLVÍKINGAR Á UNGLINGALANDSMÓT 2017 EGILSTÖÐUM

 

ALLIR KEFLVÍKINGAR Á UNGLINGALANDSMÓT 2017 EGILSTÖÐUM.

 

Keppni á 20. Unglingalandsmóti UMFÍ í Egilstöðum  hefst 3. ágúst næstkomandi og verður því slitið 6. ágúst.

Unglingalandsmót UMFÍ er  í samstarfi við ÚÍA Ungmenna- og íþróttasamband Austurlands um verslunarmannahelgina.

Mótið er fyrir 11-18 ára.

Keflavík íþrótta- og ungmennafélag sér um að greiða þátttökugjaldið fyrir þá aðila sem skrá sig undir merkjum Keflavíkur sem er 7.000 krónur.

Hægt að skrá sig til keppni í fleiri en einni grein. 

Þeir sem keppa undir merkjum Keflavíkur verða að vera í Keflavíkurpeysunni og fyrir þá sem eiga ekki peysuna þá er hún til sölu á skrifstofu félagsins og kostar 6.000 krónur.

 

Opnað hefur verið fyrir skráningu 

Nú skráir hver þátttakandi sig sjálfur  Skráðu þig hér!

 

Eftirfarandi texti er tekin af heimasíðu UMFÍ http://www.umfi.is/single-post/2017/07/06/Skráning-í-fullum-gangi-á-Unglingalandsmót-UMFÍ

Skráning er í fullum gangi á Unglingalandsmót UMFÍ. Mótið verður haldið á Egilsstöðum dagana 3.- 6. ágúst. Ungmenna- og íþróttasamband Austurlands (UÍA) heldur mótið með UMFÍ.

Mótið er fyrir 11-18 ára og þarf aðeins að greiða eitt þátttökugjald. Gjaldið er 7.000 krónur og er fyrir það hægt að skrá sig til keppni í fleiri en einni grein. Þau börn geta komið og keppt á mótinu sem verða 11 ára á árinu. Þau þurfa hvorki að vera skráð í ungmennafélag né íþróttafélag og geta komið hvort þau vilja með öðrum í hópi eða sem einstaklingar og mynda þá hóp með öðrum stökum börnum og ungmennum.

Þetta er 20. Unglingalandsmót UMFÍ. Það hefst 3. ágúst næstkomandi með keppni í golfi og verður því slitið sunnudaginn 6. ágúst.

Gert er ráð fyrir miklum fjölda fólks á Egilsstöðum yfir mótshelgina eða á milli 1.000-2.000 keppendum og aðstandendum þeirra, jafnvel allt upp undir 10.000 manns.

Á Unglingalandsmótinu verður keppt í 23 geysispennandi greinum.
Þetta eru greinarnar:
Boccia - Bogfimi - Fimleikalíf - Fjallahjólreiðar - Frisbígolf - Frjálsar íþróttir - Glíma - Golf - Götuhjólreiðar - Hestaíþróttir - Knattspyrna - Kökuskreytingar - Körfuknattleikur - Motocross - Ólympískar lyftingar - Rathlaup - Skák - Stafsetning - Strandblak - Sund - UÍA þrekmót - Upplestur og Íþróttir fatlaðra. 

 

Úlfur Úlfur og fleiri skemmta

Kvöldvökur verða haldnar mótsdagana á Egilsstöðum og verða þar engin smástirni á ferðinni. Á meðal þeirra tónlistarmanna sem fram koma eru Úlfur Úlfur, Hildur, Aron Hannes, Emmsjé Gauti, hljómsveitirnar Amabadama og Mur Mur, Hafnfirðingurinn Jón Jónsson og fleiri.

Danski sýningarhópurinn sem sló í gegn í Danmark Got Talent mæta á svæðið og sýnir listir sínar. Hópurinn kemur hingað til lands í boði fyrirtækisins Motus.


Einar Haraldsson formaður Keflavíkur.