Aðalstjórn

Aðalstjórn | 13.01.2020
Aðalfundarboð deilda Keflavíkur íþrótta- og ungmennafélags 2020

AÐALFUNDIR DEILDA KEFLAVÍKUR ÁRIÐ 2020

 

Deild                                         Dagsetning             Tímasetning        Staðsetning

 

Badmintondeild                 mánudaginn            20. janúar kl. 20,00    Sunnubraut 34

 

Taekwondo                         þriðjudaginn            21.janúar kl. 20,00    Sunnubraut 34

 

Skotdeild                            fimmtudaginn           23.janúar kl. 20,00  Sunnubraut 34

 

   Blakdeild                             laugardaginn            25. janúar kl. 14,00   Sunnubraut 34

 

Sunddeild                           mánudaginn             27.  janúar kl. 20,00  Sunnubraut 34

 

Körfuknattleiksdeild         þriðjudaginn            28. janúar kl. 20,00   Sunnubraut 34

 

Knattspyrnudeild              miðvikudaginn         29. janúar kl. 20,00 Sunnubraut 34

 

Fimleikadeild                    fimmtudaginn           30.janúar kl. 19,00  Akademíunni


Einar Haraldsson formaður Keflavíkur

Úr lögum félagsins varðandi aðalfundi deilda.     

 

Aðalfundir deilda.

20. gr.

Framboð til formanns skal berast skrifstofu félagsins eigi síðar en 5 dögum fyrir auglýstan aðalfund deildarinnar. Komi fleiri en eitt framboð til formanns þá skal kosið á milli þeirra sem hafa gefið kost á sér. Ekki er heimilt að koma með tillögur um formann á aðalfundi deildarinnar.

21. gr.

Aðalfundir deilda félagsins skulu haldnir eigi síðar en 1. febrúar ár hvert. Allir skuldlausir félagsmenn deildarinnar, 16 ára og eldri  hafa atkvæðisrétt og kjörgengi á aðalfundi deildarinnar. Til aðalfundar deildarinnar skal boðað með viku fyrirvara með auglýsingu opinberlega á heimasíðu félagsins. Í aðalfundarboði skal kynna dagskrá, fundartíma og fundarstað. Þá skal geta sérstaklega í fundarboði hvenær frestur til að skila inn framboði til formanns rennur út. Aðalfundur deildar er löglegur ef löglega er til hans boðað.

22. gr.

Dagskrá aðalfunda deilda félagsins skal vera sem hér segir:

1. Fundarsetning.

2.    a) Kosinn fundarstjóri

b) Kosinn fundarritari.

3. Fundargerð síðasta aðalfundar skal leggja fram.

4. Formaður deildar leggur fram skýrslu deildarstjórnar um starfssemina á liðnu starfsári.

5. Gjaldkeri deildar leggur fram og útskýrir endurskoðaða reikninga deildarinnar fyrir liðið starfsár.

6. Ávörp gesta.

7. Kosningar:

a) Kosinn formaður til eins árs.

b) Kosnir 2 meðstjórnendur til tveggja ára.

c) Kosnir 3 menn í varastjórn.

d) Kosnir 2 skoðunarmenn reikninga og einn til vara.

e) Kosið í nefndir og ráð sem aðalfundur ákveður.

8. Ákveðið æfingargjald fyrir næsta starfsár.

9. Lögð fram fjárhagsáætlun fyrir næsta starfsár.

10. Önnur mál.

11. Fundi slitið.

Heimilt er að kjósa færri eða fleiri í stjórn deildar, enda hafi aðalstjórn félagsins samþykkt þá ráðstöfun fyrir aðalfund deildarinnar.

23. gr. 

Á aðalfundi deildar ræður meirihluti atkvæða úrslitum allra mála. Kosning deildarstjórnar skal vera skrifleg ef þess er óskað. Ef atkvæði eru jöfn skal kosið að nýju, bundinni kosningu. Verði þá atkvæði enn jöfn skal hlutkesti ráða.