Belti og beltapróf
Í taekwondo er notast við beltakerfi sem sýnir reynslu og iðkun nemenda. Í taekwondo er talað um beltagráður og eru 10 gráður litaðra belta. Á kóresku kallast þau geup.Einnig eru til svartbeltisgráður og kallast þær dan gráður. Beltapróf í taekwondo eru til að prófa kunnáttu og getu nemenda. Nemendur geta farið í beltapróf með u.þ.b. 3ja mánaða millibili (6 mánuði fyrir hærri belti) að gefnu því að þau kunni tæknina sem til þarf og standist aðrar kröfur. Beltakröfur eru til í bók og á DVD disk eftir master Sigurstein Snorrason og gera öllum nemendum kleyft að vita hvað þau þurfa að sýna og gera á sínu prófi.
Prófdómari SsangYongTaeKwon, master Sigursteinn Snorrason sér um gráðun nemenda Keflavíkur. Hann er með meistaragráðu, 5.dan svart belti. Hann heldur yfirleitt 2 próf í Reykjanesbæ fyrir nemendur Keflavíkur og Grindavíkur á hverju tímabili.
Yfirkennari útbýr próflista og ákveður hverjir fá að fara í próf eftir ástundun, tækni, kunnáttu, afstöðu og ákveðni. Yfirkennari hefur rétt á að meina nemanda að fara í próf ef viðkomandi 
uppfyllir ekki skilyrði um þessi atriði.
Fyrir próf er mikilvægt að fara yfir tækniatriðin sín og kunna orðin. Orðalistinn og DVD diskurinn auðveldar heimalærdóminn. Nemendur mæta 15-30 min fyrir próf til að skrá sig og hita upp. Upphitun og undirbúningur fyrir prófið er á ábyrgð próftaka og því skal vera búið að undirbúa sig vel og vera með sín atriði á hreinu. Kennari fer yfir próf fyrirfram, sér í lagi hjá þeim sem taka sitt fyrsta próf. Í prófinu skal öðrum próftökum og prófdómara sýnd virðing. Læti og klósettferðir eru ekki vinsælar í beltaprófum og skal það afgreitt fyrir prófið. Öllum er heimilt að fylgjast með prófunum, en hafa ber í huga að mikla einbeitni þarf til að taka beltapróf og því má ekki trufla próftaka. Ef nemendur ná prófinu sínu fá þeir nýtt belti (eða rönd), viðurkenningaskjal og stimpil í passann sinn (hærri belti). Ef nemendur falla á prófi þurfa þeir að fara í endurtektarpróf seinna.
10. geup-gul rönd á hvítu belti9. geup-Gult belt
8. geup-Appelsínugult belti
7. geup-grænt belti
6. geup-blátt belti
5. geup-rauð rönd á bláu belti
4. geup-rautt belti
3. geup-svört rönd á rauðu belti
2. geup-2 svartar rendur á rauðu belti
1. geup-3 svartar rendur á rauðu belti
1. dan-svart belti
2. dan svart belti
3. dan svart belti
4. dan svart belti (meistaragráða)
osfv.-9.dan, sem er hæðsta beltagráðan. (10 dan er til, en eingungis sem heiðursgráða)
Nánari upplýsingar um prófin fást í námsefni og hjá kennara.