Flott samantekt í máli og myndum frá Víkurfréttum

ÍRB AMÍ meistarar 5. árið í röð:)
Þá er stórgóðu Aldursflokkameistaramóti Íslands í sundi lokið.
Mótið var haldið í Vatnaveröld í Reykjanesbæ og var öll aðstaða og framkvæmd mótsins mótshöldurum í ÍRB til mikils sóma.
Stemming á mótsstað var mjög góð, skemmtilegt mót, spennandi keppni og miklar framfarir meðal keppenda.

ÍRB vann yfirburðasigur í stigakeppni félaga og hlutu 4045,5 stig, Ægir varð í 2. sæti með 3438 stig og SH í 3. sæti með 2192 stig.

Alls voru sett tvö Íslandsmet og níu unglingamet.
Sigrún Brá Sverrisdóttir Fjölni setti Íslandsmet í 400m skriðsundi og synti á 4:17,35 mín. og bætti met sitt frá AMÍ 2007 um 1,28 sek.
Sigrún Brá kórónaði frábæra frammistöðu á mótinu með því að setja Íslandsmet í 200m skriðsundi þegar hún synti á 2:01,55 mín. og bætti eigið met frá því í nóvember 2007 um 3/100 úr sekúndu.
Hrafnhildur Luthersdóttir SH setti tvö glæsileg stúlknamet, þegar hún synti 200m bringusund á 2:31.51 mín. en fyrra met átti Erla Dögg Haraldsóttir, 2:32.90 mín, sem var sett í Vestmannaeyjum 2004. Hrafnhildur synti 100m bringusund á 1:10,51 mín. og bætti eigið met um 38/100 úr sek.
Sindri Þór Jakobsson ÍRB setti piltamet í 100m flugsundi þegar hann synti á 55,79mín. og bætti met Arnar Arnarsonar SH frá því 1998 um 91/100 úr sek.
Boðsundsveitir SH í Hafnarfirði settu 6 unglingamet.
Drengjasveit SH (13-14 ára) tvíbætti drengjametið i 4x50 metra fjórsundi og syntu drengirnir á tímanum 2:03,94mín í undanrásum og bættu það met síðan í úrslitunum seinni partinn og syntu á 2:03,28mín en gamla metið var 2:06,24 sem ÍRB átti frá árinu 2003.
Sveitina skipuðu þeir  Kolbeinn Hrafnkelsson,  Aron Örn Stefánsson, Sigurður Friðrik Kristjánsson og  Njáll Þrastarson.    
Drengjasveit  (13-14ára) SH setti nýtt drengjamet í 4x50 m. skriðsundi þegar þeir syntu á 1:48.49 mín.og bættu met ÍRB frá 2007 um 3,21sekúndu.
Sveitina skipuðu  Njáll Þrastarson, Predrag Milos, Sigurður Friðrik Kristjánsson og Kolbeinn Hrafnkelsson.
Sveit SH tvíbætti stúlknametið (15-17ára) í 4x50m fjórsundi þegar þær syntu á 2:02.47 mín. í undanrásum og bættu met ÍRB (2:04,13mín) frá 2007 um 1,66sek.
Stúlkurnar stórbættu síðan metið í úrslitunum í kvöld, syntu á 2:00,78 mín. og bættu metið um 3,25 sekúndur.
Sömu stúlkur settu  síðasta unglingamet AMÍ mótsins í 4x50m skriðsundi þegar þær syntu á 1:49.25 mín. og bættu met Óðins stúlkna frá því í nóvember 2007 um 2,27 sekúndur.
Það voru þær Hrafnhildur Luthersdóttir, Berglind Friðriksdóttir, Hildur Erla Gísladóttir, Snjólaug Tinna Hansdóttir sem skipuðu þessa vösku sveit Hafnfirðinga.

Afreksverðlaun einstaklinga á AMÍ 2008
Stigahæstu sundmenn mótsins samkvæmt stigatöflu FINA

Síðasta met AMÍ 2008
Stúlknasveit SH setti síðasta unglingamet AMÍ mótsins í 4x50m skriðsundi þegar þær syntu á 1:49.25 mín. og bættu met Óðins stúlkna frá því í nóvember 2007 um 2,27 sekúndur.
Sveitina skipuðu þær  Hrafnhildur Luthersdóttir, Berglind Friðriksdóttir, Hildur Erla Gísladóttir, Snjólaug Tinna Hansdóttir.

Enn eitt metið á AMÍ
Sigrún Brá Sverrisdóttir Fjölni var rétt í þessu að setja Íslandsmet á AMÍ í 200m skriðsundi þegar hún synti á 2:01,55 mín. og bætti eigið met frá því í nóvember 2007 um 3/100 úr sekúndu. Nú eru einungis nokkur sund eftir þennan klukkutíma sem eftir er af AMÍ í Reykjanesbæ. Í kvöld tekur svo við skemmtilegt lokahóf þar sem um 400 gestir verða í Íþróttahúsinu við Sunnubraut.

Þriðja degi AMÍ lokið - stigastaða
Samantekt að loknum laugardegi á AMÍ 2008
 
 ÍRB heldur enn öruggri forystu og virðist fátt geta komið í veg fyrir 5. Aldursflokkameistaratitilinn í röð.

Þrjú glæsileg unglingamet í dag:)
 
Sindri Þór Jakobsson ÍRB setti piltamet í 100m flugsundi þegar hann synti á 55,79mín. og bætti met Arnar Arnarsonar SH frá því 1998 um 91/100 úr sek.
 
Hrafnhildur Luthersdóttir SH setti rétt í þessu stúlknamet, þegar hún synti 200m bringusund á 2:31.51 mín. en fyrra met átti Erla Dögg Haraldsóttir, 2:32.90 mín, sem var sett í Vestmannaeyjum 2004.

Drengjasveit  (13-14ára) SH setti nýtt drengjamet í 4x50 m. skriðsundi þegar þeir syntu á 1:48.49 mín.og bættu met ÍRB frá 2007 um 3,21sekúndu.

Sveitina skipa  Njáll Þrastarson, Predrag Milos, Sigurður Friðrik Kristjánsson og Kolbeinn Hrafnkelsson.

Þegar þriðja degi AMÍ lauk var Metamót í Vatnaveröld. Þar reyndi Erla Dögg Haraldsdóttir við Íslandsmet í 100 bringusundi í 25m laug. Tilraunin tókst og setti Erla Dögg nýtt met á tímanum 1:08,58. Glæsilegt!! Hér má sjá myndband af Íslandsmetinu. Myndbandið er af vef Víkurfrétta!

Laugardagur - Stúlknamet og drengjamet

Eitt unglingamet var sett í undanrásum  Aldursflokkameistaramót Íslands í  morgun.

Föstudagur - Eitt Íslandsmet, þrjú unglingamet og örugg forysta ÍRB í stigakeppni

Sigrún Brá Sverrisdóttir Fjölni var rétt í þessu að setja glæsilegt Íslandsmet í 400m skriðsundi á Aldursflokkameistaramóti Íslands í Reykjanesbæ.
Sigrún synti á 4:17,35 mín. og bætti met sitt frá AMÍ 2007 um 1,28 sek. Myndin hér að neðan var tekin eftir sundið, Sigrún Brá er í miðju, vinstra megin við hana er Olga Sigurðardóttur í Ægi, sem varð önnur og Hildur Erla Gísladóttir SH, sem varð þriðja.

Hrafnhildur Lúthersdóttir bætti eigið stúlknamet í 100m bringusundi þegar hún synti á 1:10,51 mín. og bætti eigið met um 38/100 úr sek.
 
Sveit SH tvíbætti stúlknametið (15-17ára) í 4x50m fjórsundi þegar þær syntu á 2:02.47 mín. í undanrásum og bættu met ÍRB (2:04,13mín) frá 2007 um 1,66sek.

Stúlkurnar stórbættu síðan metið í úrslitunum í kvöld, syntu á 2:00,78 mín. og hafa bætt metið um 3,25 sekúndur í dag.

Sveitina skipa þær Berglind Friðriksdóttir, Hrafnhildur Luthersdóttir, Snjólaug Tinna Hansdóttir og Hildur Erla Gísladóttir.

ÍRB stefnir óðfluga að 5 titlinum í röð sem stigahæsta félag AMÍ og virðast Ægiringar ekki ná að fylgja Reyknesingum eftir.

Stemmingin á mótsstað er mjög góð í glæsilegri sundlaug Reykjanesbæjar, árangur sundfólks almennt er góður og athyglisverðar framfarir í mörgum greinum.
Einna mesta eftirtekt vekur árangur Sindra Jakobssonar ÍRB sem synt hefur framúrskarandi 400m og 1500m skriðsund en Sindri hefur tryggt sér keppnisrétt á Evrópumeistaramóti Unglinga sem haldið verður í Zagreb í byrjun ágúst.